« Cunnosciti è cunnisciarè l’univarsu »
A vita d’Antonu de Peretti hè prim’à tuttu un caminu iniziaticu. Quiddu di un parcorsu artisticu natu à i tempi di a zitiddina. I cunsigli è l’apartura estetica di u so prufissori François de Lanfranchi sò stati u suvu chì ha arrichitu u donu è rinfurzatu a passioni di u sculari. Più tardi a chjama di l’altrò li feci cunnoscia l’Africa, più pricisamenti u Saharà è i so artigiani, quidd’omini capaci di trasfurmà un simpliciu fustu di farru chì una volta spampanatu duventa pezza d’arti. Li dessi l’idea di rializà un lustru in lama ed hè dinò tandu ch’eddi nascini i so primi pitturi è sculturi. Un ritornu in Francia à a scola nurmali di Le Mans li pirmissi di furmassi à i tecnichi di a tarraghja, di a tissera è quidda di i mitalli. Cuminciò à l’epica in tantu chè maestru à crià incù i so sculari picculi statuli è ugetti dicurativi.
Pa Francescu Dumenicu (Ceccé) Ferrara – Fotugrafia Rita Scaglia
Recent Comments