A vita d’Antonu de Peretti hè prim’à tuttu un caminu iniziaticu. Quiddu di un parcorsu artisticu natu à i tempi di a zitiddina. A so criazioni hè mondi inspirata da a scola di Nizza, quidda d’Armand è di César ditta di u rialisimu. U scopu d’issu rialisimu hè di crià a bidezza è l’emuzioni incù i cosi simplici è cumuni di u nosciu cutidianu. Cosi cunsidarati senza valori o bidezza è u più suventi disprizzati, scartati o ghjittati da a sucità di cunsumazioni. Antonu si hè dunqua alluntanatu di u classicisimu è di a so tecnica amparata in ciò ch’iddu chjama « i tempii di l’arti ». A forma di un oggettu truvatu in una « cassa » o in un ruminzulaghju culpisci l’imaginariu di l’artista par duvintà u pinitenti di u catinacciu, un libronu o un « Don Chisciottu ».
Photo : Rita Scaglia
Recent Comments